Kracht en pracht van het platteland

Gloepens Kort Verhaal

Naober besteedt völ andach an de streektaal. Elke editie bunt ’r twee pagina’s in ’t blad veur beschikboor. Wie hopt dat völle laezers en laezeressen de penne opnemt veur ’t schrieven van een GKV, een Gloepens Kort Verhaal (neet langer dan 300 weurde!). ’t Leefste he’w ’t materiaal per e-mail: info@naober.nl. Bu'j nog neet gedigitaliseerd? Dan is 't adres: Naober, Dorpsstraat 7, 7261 AT Ruurlo.


Noa ’n oorlog

In 2011 hef Prinses Margriet ’t Informatiecentrum biej de Canadese begraafplaats in Hoolt’n e-opend.

De schoolwichter hebt destieds vuur een tegeltableau ezörgd: bevrijdingsvlammen en vredesdoeven hebt ze doar o.a. in verwarkt. ‘We zijn van na de oorlog, laat dat zo blijven’ steet ’r in grote letters boaven. De wichter die det toen emaakt hebt, bint noe net zo oold as de jongste soldoaten die op ’t karkhof begrèven ligt. Zeuventien, achttien joar. A’j doar biej stille stoat wu’j d’r koold van. Jonge lèèms, kats verneeld vuur oonze vrieheid.

As gidsen nemme wiej de leu met noar ’t veeld woar de grafstene riege an riege staot. 1394. Wiej vertelt verhalen oaver de soldoaten die noa ’n oorlog nit meer thuus bint ekommen. Wiej stoat stille biej eur leaven en prebeert ze ’een gezichte’ te geemn. Vurig joar verteln ik ne schoolklasse oaver sergeant England den ziene diensttied der op had zitten, dén met verlof moch. Ma hee veulen zich zo biej ziene meuge betrökken det hee wol blieven. Het kon nit lange meer duurn of de vrea zol wörden etekend. En toen, op 8 april 1945, gung ’t mis in ’t Hoolterbrook: ziene eigen manschappen misrekkenden zich en scheuten ’m per ongeluk dood.

De schoolwichter luustern andachtig. Ene stök de haand op en vreug: “Konnen ze meka dan nit efkes bellen?”
Ik kek ’m nitbegriepend an en opeens drung ’t töt mie duur: d’n vroagensteller was geboren in de tied van de iPhones! Ik gaffe an det der zeuventig joar elene gen mobieltjes bestundn. Zie konnen nit bellen, nit sms’en, nit appen.
’s Aoms thuus op de baanke dach ik: dizze wichter bint oaverdudelijk van noa ’n oorlog.
Zachtjes fluustern ik doar achteran: ‘Loat det astoebleef zo blieven!’

Willemien Grobben, Holten


Bu’j ok actief met de penne? Schrief dan een Gloepens Kort Verhaal (maximaal 300 weurde) en stuur dat naor info@naober.nl. He’j gin computer, laptop of tablet, stuur ’t dan naor Naober, GKV, Dorpsstraat 7, 7261AT Ruurlo.

Plaats een reactie

Word nu abonnee van Naober!

Klik hier voor de aanbieding

Naober Nieuwsbrief

Ja, ik wil wekelijks Naobernieuws in mijn mailbox!